Бирлашган Миллатлар Ташкилотининг Фаластинлик қочқинларга ёрдам кўрсатувчи ташкилоти (UNRWA) Ғазонинг жанубий қисмидаги Рафаҳ шаҳрида озиқ-овқат тарқатишни тўхтатиб қўйди.
Ҳозирги вақтда мазкур ҳудудда озиқ-овқат тарқатиш таъминотда етишмовчилик ва хавфсизликнинг йўқлиги сабабли имконсиз, Рафаҳдаги озиқ-овқат тарқатиш пункти ва омбори Исроилнинг давом этаётган ҳарбий операцияси сабабли ёпилган, — дейилади UNRWA хабарида.
Май ойининг бошидан бери Исроил армияси ҲАМАСнинг қолган тузилмаларига қарши Рафаҳда қуруқликдаги амалиётларни бошлаган.
БМТга кўра, 6 майдан бери Рафаҳни деярли 800 минг киши тарк этган. Улар Ғазо қирғоғида жойлашган Ал-Мавази лагерига кўчиб ўтган, бу лагер Исроил ҳарбийлари томонидан гуманитар зона деб эълон қилинган.
Исроил ҳужумидан олдин Рафаҳ шаҳри, Миср билан чегарада тахминан 1,4 миллион нафар аҳоли яшаган, уларнинг кўпчилигини Ғазонинг бошқа ҳудудларидаги жанговар ҳаракатлардан қочган қочқинлар ташкил этган.
Изоҳ (0)