Reuters ва Ipsos ўтказган сўров натижаларига кўра, АҚШ президенти Жо Байденнинг рейтинги 36 фоизга тушиб, деярли икки йил ичидаги энг паст даражани қайд этди.
Маълум бўлишича, сайловчиларнинг атиги 36 фоизи Байденнинг президентлик фаолиятини маъқуллаган. Апрель ойида мазкур кўрсаткич 38 фоизни ташкил этган эди.
Бу кўрсаткич унинг президентлик давридаги энг паст рейтингга қайтиш бўлди, бу охирги марта 2022 йил июлида кузатилган эди, — дея таъкидлайди нашр.
Сўров Байденнинг заиф томонлари билан бир қаторда кучли томонларини ҳам очиб берган. Сўровда иқтисодиёт ҳолати энг муҳим масала сифатида кўрилган. Респондентларнинг 23 фоизи мамлакат олдида турган энг муҳим: экстремизм ҳамда иммиграция муаммоларига тўхталган.
Деярли барча соҳаларда сайловчилар АҚШнинг собиқ президенти Дональд Трамп сиёсатини афзал кўрган. Масалан, респондентларнинг қарийб 40 фоизи Трампнинг АҚШ иқтисодига нисбатан яхши сиёсат юритганига ишонч билдирган.
Мазкур сўров май ойида ўтказилган ва сўровда қатнашганларнинг аниқ сони келтирилмаган.
Изоҳ (0)