Словакия бош вазири Роберт Фицога 15 май куни содир этилган суиқасд сиёсий сабабларга кўра амалга оширилган. Бу ҳақда сиёсатчига ҳужум қилган мухолифатчи ёзувчи Юрай Синтула маълум қилди.
Эркакнинг берган кўрсатмасига кўра, у ҳужумни бир ой олдин амалга оширишни режалаштирган.
Ҳукумат сиёсатига қўшилмайман. ОАВ йўқ қилинди, нега РТTBга ҳужум қилишади? Нега Мазак ўз лавозимидан четлатилмоқда?, — дейди кўрсатма пайтида Юрай Синтула.
Суиқасддан омон қолган Роберт Фицо касалхонада оғир аҳволда қолмоқда.
Унинг ҳаёти ҳануз хавф остида, операция 3,5 соатдан ортиқ давом этмоқда. У бу жароҳатни енга олиши учун кучли бўлишига ишонамиз, — дейди Словакия мудофаа вазири Роберт Калинак.
Словакиянинг сайланган президенти Питер Пеллегрини бош вазирга суиқасд уюштирилгани муносабати билан хорижга сафарини тўхтатиб, ватанига қайтган. У 15 июнь куни давлат раҳбари лавозимига киришади.
Словакия бош вазирига суиқасд
15 май куни тушдан кейин Гандлова шаҳрида Словакия Вазирлар Маҳкамасининг мажлиси бўлиб ўтди. Тадбирдан сўнг бош вазир Роберт Фицо йиғилиш ўтаётган бинодан чиқиб, яқин атрофда тўпланган фуқароларнинг олдига борди.
Шу пайт оломон орасида турганлардан бири ўқотар қуролни чиқариб, бош вазирга ўқ узишни бошлаган. Эркак сиёсатчининг кўкрак қафаси ва қорнига жароҳат етказган, шундан сўнг у воқеа жойида навбатчилик қилаётган ҳуқуқ-тартибот идоралари ходимлари томонидан қўлга олинган. Хавфсизлик ходимлари, ўз навбатида, Фицони машинага ўтқазиб, маҳаллий шифохоналардан бирига олиб кетган.
Кейинчалик Фицо жарроҳлик амалиётини ўташи учун бошқа юқори даражадаги шифохонага ўтказилган. Бош вазирнинг аҳволи оғир деб баҳоланган.
Маълум бўлишича, суиқасд 71 ёшли ёзувчи томонидан содир этилган. Синтула мухолифатдаги “Прогрессив Словакия” партияси тарафдори ва Фицони сиёсати учун бир неча бор танқид қилган. Россия Давлат думаси Словакия ҳукумати раҳбарига қилинган ҳужумни унинг Украина бўйича позицияси билан боғлаганди.
Изоҳ (0)