Польшалик ҳужумчи Роберт Левандовски 2020 йил учун “Олтин тўп”ни олиши мумкин.
Эслатиб ўтамиз, 2020 йилда “Бавария” сафида тўп сурган Левандовски 47 ўйинда 55 та гол урган. Бироқ коронавирус пандемияси туфайли “Олтин тўп” топшириш маросими бекор қилинганди.
2021 йилда эса соврин Лионель Мессига насиб этган, Роберт 2-ўринни эгаллаганди.
Diario Sport нашри хабарига кўра, France Football Левандовскига 2020 йил учун “Олтин тўп” бериш имкониятини кўриб чиқмоқда. Француз журнали раҳбарияти шу орқали обрўси йўқолишини олдини олмоқчи.
Левандовски 2022 йилдан буён “Барселона” шарафини ҳимоя қилади. Ҳужумчи жорий мавсум Ла Лигада 32 та ўйин ўтказиб, 17 та гол ва 8 та голли узатмага муаллифлик қилди.
1956 йилдан буён йилнинг энг яхши футболчисига “Олтин тўп” соврини бериб келинмоқда. Фақатгина 2020 йилда соврин ҳеч кимга берилмаган.
Изоҳ (0)