Чирчиқ шаҳридаги ”Янги Ўзбекистон” массивида бунёд этилган 5-сон оилавий поликлиника биноси фойдаланишга топширилди. Тадбирда вилоят ҳокими Зоир Мирзаев бошчилигидаги нуронийлар, меҳнат фахрийлари ва жамоатчилик иштирок этди.
Уч қаватли замонавий шифо маскани “Шохруҳ қурилиш дизайн” МЧЖ бунёдкорлари томонидан қуриб битказилган бўлиб, қурилиш-монтаж ишларига 14,168 миллиард сўм миқдорда маблағ сарфланган.
250 ўринга мўлжалланган мазкур тиббиёт муассасаси шаҳардаги 8 та маҳаллада истиқомат қилувчи 25 мингдан зиёд аҳолига тиббий хизмат кўрсатади. Улар учун чинакам маънода туҳфа бўлди дейиш мумкин. Бу ерда 14 нафар малакали шифокор ва 52 нафар ўрта тиббиёт ходими фаолият олиб боради, — дейди тадбир қатнашчилари.
Чирчиқ шаҳрида шунингдек, “Маънавият хиёбони” ҳам фойдаланишга топширилди.
Таъкидланишича, хиёбон “Шохруҳ қурилиш дизайн” масъулияти чекланган жамияти томонидан 1 миллиард 400 миллион сўм маблағ эвазига қуриб битказилган.
Аҳоли учун дам олиш ва маданий ҳордиқ чиқариш мақсадида ташкил қилинган манзилда турли кўнгилочар тадбирлар, маънавий-маърифий кечалар ўтказилади, — дейди вилоят ҳокимлиги ахборот хизмати раҳбари Бекзод Қобулов.
Изоҳ (0)