“Милан” раҳбарияти жорий мавсум якунида жамоани тарк этадиган Стефано Пиоли ўрнига янги бош мураббий олиб келишда ҳали ҳам иккиланишда давом этмоқда. Бу ҳақда журналист Жанлука Ди Марсио Sky Sport нашрида хабар берди.
Журналистнинг фикрича, “россонерилар” ҳалигача “Милан”дан ташқари Франциянинг “Марсель” клуби ҳам қизиқаётган португалиялик мутахассис Паулу Фонсеканинг розилигини ололмаган. Шу билан бирга, яна бир номзод – “Порту” бош мураббийи Серхио Консейсао ўз клубининг янги президенти Андре Виллаш-Боаш билан шартномасини муддатидан олдин бекор қилиш ва Италия клубига кетиш борасида ҳалигача келишувга эришгани йўқ. Бундай вазият “Милан” раҳбариятига ёқгани йўқ.
Қайд этилишича, “Ювентус” ва “Интер”нинг собиқ устози Антонио Конте “Милан”ни бошқаришга тайёр, аммо “россонери”нинг бунга муносабати ҳозирча номаълум. 54 ёшли Контенинг сўнгги иш жойи Лондоннинг “Тоттенҳэм” клуби бўлиб, у 2021—2023 йиллар оралиғида инглиз клубини бошқарган.
Эслатиб ўтамиз, январь ойида мураббий турк клуби билан келишиб олганлиги ҳақида хабарлар тарқалган эди.
Изоҳ (0)