Наоя Иноуэ, Теренс Кроуфорд ва Олександр Усик. The Ring журнали P4P рейтингини янгилади

The Ring Наоя Иноуэни вазн тоифасидан қатъи назар энг яхши боксчи деб тан олди.

Журнал май ойидаги рейтингни янгилади. Унга кўра биринчи ярим енгил вазн тоифасида мутлақ жаҳон чемпиони Наоя Иноуэни биринчи ўринни эгаллади. 6 май санасида япониялик боксчи Луис Нерини мағлуб этиб, камарларини ҳимоя қилди. 

2-ўринни ярим ўрта вазн тоифасида WBA, WBC ва WBO чемпиони Теренс Кроуфорд эгаллади. Кучли учликни оғир вазн тоифасида IBF, WBA ва WBO чемпиони Олександр Усик якунлаб берган. 

Топ-5 рейтинг қуйидагича кўриниш олган:

1. Наоя Иноуэ, биринчи ярим енгил вазнда мутлақ жаҳон чемпиони;
2. Теренс Кроуфорд, ярим ўрта вазн тоифасида WBA, WBC ва WBO йўналишлари чемпиони;
3. Олександр Усик, оғир вазнда IBF, WBA ва WBO чемпиони;
4. Сауль Алварес, супер ўрта вазн тоифасида мутлақ жаҳон чемпиони;
5. Артур Бетербиев, ярим оғир вазн тоифасида IBF, WBC ва WBO чемпиони.