Иқтисодиёт ва молия вазирлиги ҳамда Ички ишлар вазирлигининг қўшма қарори билан божхона чегараси орқали олиб ўтиладиган автотранспорт воситаларини божхона расмийлаштирувидан ўтказиш тартиби тўғрисидаги низомга ўзгартиришлар киритилди.
Ҳужжатга кўра, божхона божлари ва солиқлардан тўлиқ озод этилган муддат ўтгандан сўнг хорижий автотранспорт воситасини бир йил ичида 90 кундан ортиқ муддатга вақтинчалик олиб кирганлик учун олиб чиқиб кетиш муддатининг ўтказиб юборилган ҳар куни учун базавий ҳисоблаш миқдорининг 1 баравари (340 минг сўм) миқдорида йиғимни тўлаш шарти билан йўл қўйилади.
Илгари ҳар бир муддати ўтган кунга транспорт воситасининг ҳар бир от кучи учун 0,7 БҲМ миқдорида тўлов амалга оширилар эди.
Аввалроқ Ўзбекистонда 2024 йилнинг ўтган икки ойида қандай автомобиль энг кўп ишлаб чиқарилгани ҳақида хабар берилганди. Шунингдек, Ўзбекистонда февраль ойида автомобиль бозорида фаолликнинг сезиларли пасайишига қарамай, янги енгил автомобиллар сегментида йил давомида сотувлар 8,4 фоизга ошгани айтилганди.
Изоҳ (0)