Хитой АҚШ вакилларини ташқи сиёсатда “қизил чизиқ” дан ўтмаслик ҳақида огоҳлантирди. Бу ҳақда BBC нашри хабар берди.
Манбада айтилишича, ушбу баёнот Хитой ташқи ишлар вазири Ван И ва АҚШ давлат котиби Энтони Блинкен учрашувида айтилган. Хитой вакили америкалик ҳамкасбини Вашингтон “қизил чизиқлар”га яқинлашаётганидан огоҳлантирган.
Хитой вакили Ван И айтишича, Хитой ва АҚШ муносабатлари ҳозирда барқарорлаша бошлаган. Лекин томонлар орасида ҳали ҳам “салбий омиллар” бўлиб, бу омиллар вақт синовидан ўтмоқда.
Энтони Блинкеннинг Хитойга бир йилдан оз муддат ичида иккинчи ташрифи рақиб кучлар ўртасидаги диалог ва дипломатиядаги сезиларли ўсишнинг бир қисмини ташкил этиши айтилган. Томонлар ўтган йилги кескинлик давридан кейин муносабатларни бир текисда мустаҳкамлашга ҳаракат қилмоқдалар.
Алоқалар Хитойнинг Тайван ва Жанубий Хитой денгизи бўйича даъволари ва АҚШнинг илғор технологияларни экспорт қилишни тақиқлаши туфайли кескинлашган эди. Ўтган йилнинг февраль ойида АҚШ устида кўринган Хитой “жосус шар”и туфайли ҳам алоқалар совуқлашган.
Пекинда АҚШ вакили Блинкен Вашингтоннинг “ягона Хитой сиёсати”ни қўллаб-қувватлашини яна бир бор тасдиқлаган. Бу АҚШ ва Хитой муносабатларининг асоси бўлиб, унга кўра АҚШ Тайван эмас, балки Хитой билан расмий алоқаларга эга эканлиги урғуланган.
Изоҳ (0)