Тошкент шаҳрида май ва август ойларида мактаб ҳамда олий таълим муассасалари битирувчилари учун “Тошкент битирувчи ва талаба ёшлар лойиҳаси”ни ўтказилади. Бу ҳақда Тошкент шаҳар ҳокимлиги ахборот хизмати “Дарё”га маълум қилди.
Таъкидланишича, жорий йилда Тошкент шаҳрида жами 33 минг нафар ўқувчи ёшлар 11-синфни битиради.
“Тошкент шаҳар ҳокимлиги ва Олий таълим, фан ва инновациялар вазирлиги мактаб битирувчилари ва талаба ёшларни қамраб олган “Тошкент битирувчи ва талаба ёшлар лойиҳаси”ни ўтказилади.
Лойиҳа доирасида мактаб битирувчиларининг ўзлари қизиққан соҳада таълим олишлари учун тегишли олий таълим муассасаларига йўналтириш, касб-ҳунарга қизиқиши бор ёки хорижда таълим олмоқчи бўлган ёшларга шароит яратиб бериш назарда тутилган. Шу мақсадда турли тадбирлар, олий таълим муассасалари ҳамда компания ва бизнес вакиллари билан учрашувлар, маҳорат дарслари каби кўплаб тадбирлар ўтказилади”, — дейилади пойтахт ҳокимлиги ахборотида.
Бунда талабаларни:
- меҳнат бозорида ўз ўрнини топишга ёрдам бериш,
- иш берувчи ўртасида рўй бериши мумкин бўлган муаммоларни таҳлил қилиш, уларга ечимларни топишда кўмаклашиш,
- лойиҳа, ғоя ва илмий ишланмалар бўйича платформалар яратиш режалаштирилган.
Шунингдек, лойиҳа доирасида спорт мусобақалари, турли кўнгилочар дастурлар, тоғ ёнбағирларида талабалар сайллари, кўргазмалар, концерт ва шоу-дастурлари кўзда тутилган.
Изоҳ (0)