“Толибон” Афғонистонда ҳокимиятни қўлга олгач, Покистон ҳудудида худкушлик ҳужумлари 500 баробарга ошиб кетган. Бу ҳақда Покистон ҳукуматининг Афғонистон бўйича махсус вакили берган баёнотга асосланиб, Ааmaj News нашри хабар берди.
Покистоннинг Афғонистон бўйича махсус вакили Муҳаммад Осиф Дурроний Исломободда бўлиб ўтган йиғилишда Афғонистонда тинчликка эришиш масаласи эҳтимолдан узоқ эканлигини маълум қилган. Мамлакатни НАТО қўшинлари тарк этгач пайдо бўлган умидлар “Толибон”нинг тажовузкор сиёсати туфайли барбод бўла бошлагани айтилган.
Муҳаммад Осиф Дурроний Покистоннинг чегара ҳудудларида отишмалар 65 фоизга, мамлакат ичидаги худкушлик ҳужумлари эса 500 фоизга ошганини алоҳида таъкидлаган. Бу борада Покистон ҳукумати хавотирда эканлигини билдирган.
Хабарда айтилишича, Покистон “Толибон” ҳукмронлигининг дастлабки даврида бу гуруҳ фаолиятидан мамнун бўлган. Ҳозир эса унинг сиёсати ҳамда Афғонистондаги террорчилик гуруҳлари фаолиятидан ниҳоятда хавотирда.
Айни пайтда Афғонистонда “Толибон” ҳукмронлиги остида “Жайш ал-Адл” гуруҳининг Эронга ҳужумлари ҳам сезиларли даражада ошган.
Изоҳ (0)