Енгил вазн тоифасида UFC чемпиони Ислом Махачев UFC 302 даги рақиби америкалик Дастин Порье ҳақида гапирди.
“Мен Порье билан жанг режамни биламан. Сиз шунчаки бўйнингизни ҳимоя қилишингиз керак. Дастин — афсона, бу спорт турида катта тажрибага эга. У яхши зарба беради, лекин заиф томонлари — кураш ва грапплинг (рақибни ушлаш). Аммо мен унинг бўғиш усулига тайёр бўлишим керак”, — деди Махачев New York Post газетасига берган интервьюсида.
Эслатиб ўтамиз, UFC 302 турнирида Ислом Махачев Дастин Порьега қарши октагонга кўтарилади. Ушбу жанг 2 июнь куни бўлиб ўтади.
Махачев — UFC чемпиони ва P4P рейтинги етакчиси ҳисобланади. У 2023 йилда икки марта Алекс Волкановскини мағлуб этганди.
Порье эса 2024 йил мартида Бенуа Сен-Денини мағлубиятга учратганди.
Изоҳ (0)