Туркияга ишлашга кетган ўзбекистонлик Истанбулда яширин равишда фаолият юритувчи жиҳодчилар сафига қўшилиб қолгани аниқланди. Бу ҳақда ИИББ хабар берди.
Маълум қилинишича, Зиёвуддин Нуриддинов 1991 йил Тошкент шаҳрида туғилган. Суриядаги Ислом халқаро террорчилик ташкилоти аъзоси. У 2013 йил Туркияга ишлаш мақсадида бориб, Истанбулда яширин равишда фаолият юритиб келаётган Жиҳодчилар диний экстремистик ташкилотининг аъзолари билан танишиб қолган.
Жиҳодчилар томонидан олиб борилган кучли руҳий даъват натижасида у 2014 йил Ислом давлати халқаро террорчилик ташкилотига бориб қўшилган. Фуқарога нисбатан ҳуқуқ тартибот идоралари томонидан Жиноят кодексининг 155-модда, 244-моддалари билан жиноят иши қўзғатилиб қидирувга берилган.
Изоҳ (0)