Фарғонада алимент тўламаган 118 киши хорижга чиқиб кетгани очиқланди. Бу ҳақда Бош прокуратура матбуот хизмати хабар берди.
Маълум қилинишича, МИБ Фарғона вилоят бошқармаси қидирув шўбаси томонидан фуқароларнинг одил судловга бўлган ишончини мустаҳкамлаш, шунингдек, жисмоний ва юридик шахсларнинг ҳуқуқ ҳамда қонуний манфаатларини ишончли ҳимоя қилиш борасида ижобий ишлар амалга оширилиб, қарздор ва уларнинг мол-мулкларини қидириб топиш юзасидан тегишли чоралар кўрилмоқда.
Хусусан, 370 нафар алимент тўлашдан бўйин товлаб келаётган қарздорларга нисбатан қидирув эълон қилиниб, шундан, 2024 йилда 153 нафар қарздор фуқаролар топилган ва ижро ҳаракатларини давом эттириш учун давлат ижрочиларига топширилган.
Шунингдек, қидирув эълон қилинган қарздорларнинг 118 нафари чет элга, хусусан 105 нафари Россия, 8 нафари Қозоғистонга, 2 нафари Қирғизистонга, 3 нафари Туркияга чиқиб кетганлиги аниқланган ва уларга нисбатан давлатлараро қидирувни амалга ошириш бўйича халқаро шартномалар асосида сўровномалар юборилган.
Изоҳ (0)