Жорий йилнинг 15 апрелидан 3 майига қадар Қатар яшил майдонларида U-23 Осиё Кубоги мусобақаси ўтказилиши режалаштирилган ва унда ишлаш учун 4 нафар ўзбекистонлик ҳакамлар ҳам чақирилган.
Ушбу мусобақанинг B гуруҳи илк туридан ўрин олган Жанубий Корея – БАА терма жамоалари ўртасидаги учрашувни Рустам Лутфуллин бошчилигидаги ўзбекистонлик ҳакамлар бригадаси бошқарадиган бўлди.
Унга қанотларда Санжар Шоюсупов ҳамда Алишер Усмонов ёрдам беришса, яна бир ҳакам Фирдавс Норсафаров ВАР ҳаками вазифасини бажариши кўзда тутилган.
Мазкур баҳс Тошкент вақти билан 16 апрель куни соат 20:30 да старт олади.
Эслатиб ўтамиз, Ўзбекистон терма жамоаси ўз учрашувини 17 апрель куни Малайзияга қарши ўтказади. Учрашув 18:00 да бошланади.
Изоҳ (0)