“Спорт” телеканали Қатардаги Осиё Кубогини намойиш этади

Қатарда ўтказиладиган Осиё Кубоги U23 баҳслари “Спорт” телеканали томонидан намойиш этиладиган бўлди. 

ЎФА матбуот ва медиа хизмати раҳбари Даврон Файзиев телеграмдаги каналида маълум қилишича, Қатарда ўтказиладиган Осиё Кубоги U23 ва футзал бўйича Осиё Кубоги “Спорт” телеканалида трансляция қилинади. Ушбу хабар телеканал директори Зоҳид Каримов томонидан ҳам тасдиқланди. 

Париж-2024 Олимпиадасига йўлланма берувчи турнир Қатарда 15 апрелдан 3 майга қадар давом этади. Таиландда ўтадиган турнир эса 17 апрелдан 28 апрелга қадар давом этади.

Бугун Тошкент вақти билан 18:00 да Австралия — Иордания ўйини билан турнирга старт берилади. Шу билан бирга, Қатар - Индонезия баҳси ҳам бугун бўлиб ўтади. Учрашув 20:30 да бошланади.

Эслатиб ўтамиз, Тимур Кападзе шогирдлари мусобақадаги иштирокини 17 апрель куни Малайзияга қарши ўйин билан бошлайди. Учрашув Ар-Райяндаги Кhalifa International стадионида бўлиб ўтади. Ўйиннинг бошланиш вақти: 18:00.

Иккинчи турдаги ўйин эса 20 апрель куни Кувайтга қарши бўлиб ўтади. Ушбу ўйин мезбони Ал-Вакрадаги Ал-Janoub стадиони бўлиши кўзда тутилган. Ўйиннинг бошланиш вақти: 20:30.

Гуруҳ босқичидаги сўнгги ўйин Вьетнамга қарши бўлиб ўтади. Баҳс 23 апрель санасида яна Ар-Райяндаги Кhalifa International стадионида ўтказилади. Ўйиннинг бошланиш вақти: 20:30.