АҚШ президенти Жо Байден 8 апрель куни камида 23 миллион америкаликларга фойда келтирадиган талабалар қарзидан воз кечиш ҳақида эълон қилди. Бу ҳақда Reuters хабар берди.
Байден баён қилган режалар даромаддан қатъи назар, қарз олувчилар учун ҳисобланган ва капиталлаштирилган фоизларни 20,000 долларгача олиб ташлашни ўз ичига олади.
Республикачилар Байденнинг талабалар кредитидан кечишини ваколатларини ҳаддан ташқари ошириб юбориш ва коллежда таҳсил олган қарз олувчиларга ноҳақ фойда келтириш деб атаган.
Бу енгиллик уларнинг ҳаётини ўзгартириши мумкини. Мен меҳнаткаш америкалик талабаларга кредит бўйича ёрдам беришдан тўхтамайман... Бу бизнинг иқтисодиётимиз манфаати учун, — деди Байден.
Унинг қўшимча қилишича, агар у ноябрь ойида бўлиб ўтадиган президентлик сайловларида қайта сайланса, жамоат коллежларини бепул бўлиши учун фаол ҳаракат қилади.
Бугунги кунга қадар маъмурият 4 миллион америкалик учун 146 миллиард долларлик талабалар қарзидан кечишни маъқуллаганини айтган.
Federal Student Aid веб-сайтига кўра, 2023 йил июнь ҳолатига кўра, тахминан 43,4 миллион талабалик кредити олувчиларнинг тўланмаган кредитлари 1,63 триллион долларга етган.
Изоҳ (0)