Франция жандармэрияси ходимлари Аваллон мэри Жамили Хабсауининг уйидан 70 килограмм каннабис топди. Бу ҳақда BFМTV телеканали хабар берди.
Мэрнинг уйидаги операция республика Ички ишлар вазирлиги томонидан эълон қилинган наркотик моддаларнинг ноқонуний айланишига қарши кураш доирасида ўтказилган. Ҳуқуқ-тартибот идоралари коммуна мэрининг укалари тақиқланган моддалар савдосига алоқадорлиги ҳақида маълумотга эга бўлган.
Хабсауининг ўзи Франция Социалистик партияси вакили бўлиб, 2021 йилда Аваллон маъмурияти раҳбари лавозимига сайланган. У ҳудудий маслаҳатчи сифатида ҳам фаолият юритади. Мэр каннабис билан боғлиқ ҳолатдан кейин ҳибсга олинган, бироқ кейинроқ қўйиб юборилган. Жиноий иш доирасида жами етти киши, жумладан, икки ака-ука Хабсауилар ҳам ушланган.
Маълумот ўрнида, Францияда гиёҳванд моддалар савдосига қарши кураш бўйича “ХXL операцияси” ўтказилмоқда.
Изоҳ (0)