Тошкент шаҳрида ўтган уч ойда ушланган фоҳишалик билан шуғулланувчи аёллар сони очиқланди. Бу ҳақда ИИББ хабар берди.
Маълум қилинишича, Тошкент шаҳар ИИББ томонидан ҳуқуқбузарликларнинг олдини олиш ва жиноятчиликка қарши курашиш борасида мунтазам равишда чора-тадбирлар амалга оширилмоқда. Хусусан, салбий иллатлардан бири фоҳишахона сақлаш ва фоҳишалик билан шуғулланиш ҳолатларига қарши курашиш мақсадида ходимлар томонидан тезкор-профилактик тадбирлар кучайтирилган олиб борилмоқда.
Натижада жорий йилнинг уч ойи давомида Тошкент шаҳрида фоҳишалик билан шуғулланган 1 068 нафар шахс аниқланган бўлиб, маъмурий тартибда жавобгарликка тортилган. Ўрганишлар жараёнида аниқланишича, жавобгарликка тортилганларнинг 92,8 фоизи (992 нафар) вилоятлардан келиб, бу турдаги ҳуқуқбузарликни содир этган.
Бундан ташқари, жорий йилнинг уч ойи давомида қўшмачилик қилиш ёки фоҳишахона сақлаш билан боғлиқ 209 та ҳолат аниқланган ва жиноят иши қўзғатилиб, тергов ҳаракатлари олиб борилган.
Изоҳ (0)