Кўплаб жамиятларда аёл ва бойлик, аёл ва тадбиркорлик тушунчалари бир-биридан узоқдек қабул қилинади. Бироқ дунёнинг энг бадавлат инсонлари рўйхатига кирган қуйидаги аёллар бундай даражага узоқ меҳнат ва тиришқоқлик билан эришган. Улар ўз соҳасининг етакчи ва тажрибали мутахассисидир.
- Диана Хендрикс (АBC Supply)
Умумий бойлиги 23,3 миллиард доллар
1982 йилда асос солинган АBC Supply хусусий компанияси уй-жой ва тижорат бинолари учун том ёпиш материаллари ва деразалар ишлаб чиқарадиган йирик ташкилотдир.
- Жуди Лав (Love’s Travel Stops & Country Stores)
Умумий бойлиги 14,5 миллиард доллар
Жуди Лав ва унинг турмуш ўртоғи Том илк бизнесни 1964 йилда ота-оналаридан 5000 доллар кредит олиш эвазига очди. Ҳозирда улар АҚШнинг 42 штатида 630 дан ортиқ юк машиналари учун тўхташ жойи эгасидир.
- Жуди Фолкнер (Epic systems)
Умумий бойлиги 7,9 миллиард доллар
Жуди Фолкнер Epic Systems номли тиббиётда қўлланадиган дастурий таъминот провайдерининг асосчиси. У илк фаолиятини 1979 йилда Висконсиндаги ертўлада бошлаган ва ҳозирда АҚШда тиббиёт соҳасидаги энг муҳим компаниялардан бири ҳисобланади.
- Линда Ресник (Wonderful Cо.)
Умумий бойлиги 5,6 миллиард доллар
Линда Ресник ва унинг турмуш ўртоғи Стюарт Техас, Калифорния ва Мексикада бодом, писта, анор ва мандарин етиштирадиган 135 минг гектар мевали боғларга эга.
- Таи Ли (SHI International)
Умумий бойлиги 5,3 миллиард доллар
Таи Ли IT инфратузилмаси, киберхавфсизлик ва дастурларни оптималлаштирувчи маҳсулот ва хизматларни етказиб берувчи компаниянинг директоридир. Бугунги кунда SHI International’нинг савдоси 12,3 миллиард долларни ташкил этади.
- Жонелле Ҳант (JB Hunt transport services)
Умумий бойлиги 4,9 миллиард доллар
Жонелленинг корхонаси бугунги кунда 12,2 миллиард долларлик савдоси билан мамлакатдаги энг муҳим транспорт компанияларидан бири ҳисобланади.
- Мариан Илитч (Little Caesars Pizza)
Умумий бойлиги 4,2 миллиард доллар
Мариан компанияга 1959 йилда турмуш ўртоғи билан асос солган. Кафелар тармоғидан ташқари, у Тhe MotorCity Casino меҳмонхонаси эгаси ҳамдир.
- Гейл Миллер (Larry H. Miller Group)
Умумий бойлиги 3,9 миллиард доллар
Гейл Миллер марҳум турмуш ўртоғи билан Toyota дилерлик фаолиятини кўчмас мулк, молия ва маиший соҳалардаги турли компаниялардан иборат гуруҳга айлантирган. Улар 1986 йилда Utah Jazz’ни 22 миллион долларга харид қилиб, 2020 йилда 1,66 миллиард долларга сотишган.
- Жейшри Уллал (Arista Networks)
Умумий бойлиги 3,7 миллиард доллар
Жейшри Уллал 2008 йилдан бошлаб Arista Networks — компьютер тармоқлари компаниясининг бош директори ва президенти бўлиб ишлайди.
- Эрен Озмен (Sierra Nevada Corporation)
Умумий бойлиги 3,4 миллиард доллар
У хусусий аэрокосмик ва мудофаа компаниясининг президенти бўлиб, унинг компанияси NASA билан камида еттита юк ташиш миссияси учун шартнома тузган.
- Пегги Чернг (Panda Express)
Умумий бойлиги 3,3 миллиард доллар
Пегги Чернг Хитой озиқ-овқат маҳсулотлари дўконлар тармоғининг бош директоридир. Қўшма штатларда унинг 200 дан ортиқ дўконлари иш олиб боради.
- Мег Уитман (eBay)
Умумий бойлиги 3 миллиард доллар
У 1998 йилдан 2008 йилгача eBay компаниясининг бош директори бўлган ва компания харидларини 5,7 миллиард доллардан 8 миллиард долларгача оширган.
- Шерил Сендберг (Facebook)
Умумий бойлиги 2,8 миллиард доллар
У 2008 йилдан 2022 йилгача Facebook (Меtа) компаниясининг операцион директори бўлган. У Меtа директорлар кенгашида ҳам ишлаган, аммо ҳозирда кўпроқ хайрия ишлари билан шуғулланмоқда.
- Ким Кардашян (SKIMS)
Умумий бойлиги 1,7 миллиард доллар
Ким Кардашян даромад манбаи турли реалити-шоу, мобил ўйинлар, косметика, кийим-кечак дўконлари ва ижтимоий тармоқлардир.
- Дорис Фишер (GAP)
Умумий бойлиги 1,5 миллиард доллар
Дорис турмуш ўртоғи Дональд Фишер билан биргаликда1969 йилда Сан-Франсискода 63 000 долларлик кредит эвазига илк дўконини очган ва GAP компаниясига асос солган.
- Рианна (Fenty Beauty)
Умумий бойлиги 1,4 миллиард доллар
Мафтункор хонанда Рианна нафақат санъаткорлик соҳасида, балки ишбилармон тадбиркор аёл сифатида ҳам катта даромадга эга. Унинг Fenty Beauty бренди косметика маҳсулотларини ишлаб чиқаради.
Изоҳ (0)