AKFA Group ва Schüco ўртасида ҳамкорлик меморандуми имзоланди

4 апрель куни Тошкент шаҳрида AKFA Group бош офисида Schüco компаниясининг Марказий Осиёдаги ваколатхонаси билан ҳамкорлик меморандуми имзоланди.

Schüco — алюминий, PVX ва пўлатдан ясалган ром, эшик ва фасад тизимларини ишлаб чиқарувчи дунёдаги етакчи компаниялардан бири ҳисобланади. Компания 1951 йилда Германиянинг Билефелд шаҳрида ташкил этилган. Бугунги кунда Schüco бутун дунё бўйлаб 40 000 та ҳамкор компаниялар тармоғига эга бўлиб, ўз маҳсулотларини 80 дан ортиқ мамлакатларга экспорт қилади. 2022 йил ҳолатига кўра концерннинг йиллик пул айланмаси 2 миллиард евродан ошди. Schüco маҳсулотлари бутун дунёда қўлланилади ва сифат, энергия самарадорлиги ва хавфсизлик бўйича халқаро стандартларига жавоб беради.

Ҳамкорлик меморандумни имзолаш маросимида  AKFA Group холдингининг экспорт бўлими раҳбари Фарруҳ Акилов, Schüco компаниясининг Марказий Осиёдаги минтақавий директори Илҳан Ўзкал, компаниялар бўлим раҳбарлари ва масъул ходимлари иштирок этди.

Учрашув доирасида AKFA Group ва Schüco компаниялари энг замонавий дизайн ва қурилиш стандартларига жавоб берадиган йирик лойиҳаларни биргаликда амалга оширишга келишиб олишди. Шу билан бирга компаниялар ўртасидаги ўзаро манфаатли ҳамкорликни янада ривожлантириш масалалари ҳам муҳокама қилинди.

Imzoланган меморандумга мувофиқ AKFA Group’нинг BENKAM заводида Schüco учун экструзион алюминий профиллари ишлаб чиқарилади. AKFA Group корхоналарида ишлаб чиқарилган Schüco бренди остидаги маҳсулотлар бутун Марказий Осиёдаги премиум қурилиш лойиҳаларида қўлланилади.

AKFA Group экспорт бўлими раҳбари Фарруҳ Акиловнинг таъкидлашича, Schüco билан ҳамкорлик икки компаниялар учун янги истиқболларни очади.

"Schüco билан имзоланган меморандум AKFA Groupънинг жаҳон бозоридаги улушини кенгайтириш стратегиясини амалга оширишдаги навбатдаги қадам бўлди. Учрашув якунлари бўйича эришилган барча келишувлар AKFA Group ва Schüco компанияларига йирик қурилиш лойиҳаларини амалга оширишда саъй-ҳаракатларни бирлаштириш имконини беради”, — деди Фарруҳ Акилов.

Ўз навбатида, Schüco’нинг Марказий Осиёдаги минтақавий директори Илҳан Ўзкал компаниялар ўртасида ўрнатилган ҳамкорлик алоқалари бутун қурилиш соҳаси учун янги имкониятлар яратишига ишонч билдирди. “AKFA Group билан ҳамкорлик бизга Марказий Осиёда қурилиш соҳаси ривожлантириш учун тажриба ва ресурсларимизни бирлаштириш имконини беради”, — дея изоҳ берди Илҳан Ўзкал.

Ҳамкорлик меморандумининг имзоланиши қўшма лойиҳаларни амалга оширишга ижобий таъсир кўрсатади ва компаниялар ўртасидаги ўзаро манфаатли ҳамкорликни янада кенгайтиришга хизмат қилади.