“Челси” бош мураббийи Маурисио Почеттино Лондон жамоасининг энг яхши футболчиси ким эканини айтди.
“Жамоанинг энг яхши футболчиси? Бу аниқ — Палмер! У ҳамма учун намуна. Кўриб турибсизки, футболчилар қийналаётганда кўпинча Палмерга тўпни узатади”, — дея Почеттино сўзларини келтирмоқда Goal нашри.
Палмер “Манчестер Сити” жамоаси тарбияланувчиси ҳисобланади. Ярим ҳимоячи 2023 йилги ёзги трансфер ойнасининг сўнгги кунида 47 миллион евро эвазига “Челси”га ўтди.
Жорий мавсумда ярим ҳимоячи лондонликлар сафида барча турнирларда 38 та ўйин ўтказиб, 18 та гол ва 12 та голли узатмани амалга оширди.
Футболчининг Лондон клуби билан шартномаси 2030 йилнинг июнь ойи охиригача амал қилади. Transfermarkt интернет порталига кўра, футболчининг тахминий нархи 55 миллион еврони ташкил қилади.
Изоҳ (0)