Хитой ташқи қарзи 2023 йил охирига келиб 2,45 триллион долларга етгани маълум қилинди

Хитойнинг ташқи қарзи 2023 йил якунига кўра 2,45 триллион долларни ташкил этди, дея хабар беради Хитой Давлат валюта бошқармаси.

Sinxua агентлиги департамент маълумотларига таяниб маълум қилишича, ўрта ва узоқ муддатли қарз умумий қарзнинг қарийб 44 фоизини ташкил этган. Шу билан бирга, ташқи қарзнинг 47 фоизи долларда эмас, юанда бўлган.

2023 йил сентябрь ойи охирида мамлакат ташқи қарзининг умумий ҳажми 2,38 триллион долларни ташкил этганди.

Аввалроқ Вашингтон ва Лондон Хитой фуқаролари ва компанияларига қарши санкциялар киритгани ҳақида хабар берилганди.

Санкцияга тушган шахслар Британия сайловларини нишонга олган кибержосусликда, жумладан, ўн миллионлаб британиялик сайловчилар ҳақидаги маълумотларга киришда айбланган.

Хитой ТИВ эса бундай даъволар далилларга асосланган бўлиши кераклигини айтган.