Конор Макгрегор иштирокидаги “Йўл бўйидаги уй” Amazon тарихидаги энг яхши старт олган фильмга айланди

Икки вазн тоифасида UFC собиқ чемпиони Конор Макгрегор иштирокидаги “Йўл бўйидаги уй” фильми Amazon лойиҳалари ичида энг яхши стартни олди.

Фильм 21 март куни стрим хизматларига чиқарилди ва дастлабки ўн кунликда кўрувлар сони 50 миллионга етди. 

Бу Amazon МGM Studios тарихидаги энг яхши старт ҳисобланади.

Аввалроқ “Йўл бўйидаги уй” режиссёри Даг Лайман Amazon фильмни кинотеатрларга чиқармагани учун премьерага бойкот эълон қилмоқчилиги хабар қилинганди.

Бош ролни ижро этган Жейк Жилленҳол режиссёрнинг бу гапларни айтганини рад этди. Фильмда Конор Макгрегор Нокс ролини ижро этган. 

Эслатиб ўтамиз, ушбу фильм 1989 йилда ишланган, Патрик Суэйзи бош ролни ижро этган картинанинг ремейки ҳисобланади.