Тошкент вилояти Ангрен шаҳрида 9-синф ўқувчиси ўзидан икки ёш кичик болани ўлдириб қўйди. Вилоят Мактабгача ва мактаб таълими бошқармаси ҳолат юзасидан тафсилотларни очиқлади.
Маълум қилинишича, 20 март куни соат 23:30 лар атрофида Ангрен шаҳрида яшовчи, умумтаълим мактабининг 9-синф ўқувчиси (2008 йилда туғилган) М.Д. 2006 йилда туғилган О.А. билан ўзаро келишмовчилик натижасида жанжаллашган.
Улардан бири О.А. ушбу жанжал натижасида олган тан жароҳатлари оқибатида соғлиғи ёмонлашиб, вафот этган. Айни вақтда мазкур ҳолат юзасидан Жиноят кодексининг 104-моддаси 3-қисми “д” банди билан жиноят иши қўзғатилган ҳамда суриштирув ишлари олиб борилмоқда.
Тошкент вилояти Мактабгача ва мактаб таълими бошқармаси жамоаси ушбу воқеа натижасида вафот этган ўқувчининг оила аъзолари ва яқинларига ҳамдардлик билдирди.
Шунингдек, мазкур ҳолат дарсдан ташқари, тунги вақтда содир бўлгани эслатиб ўтилган.
Изоҳ (0)