Қозоғистоннинг Туркистон вилоятида янги сув омбори қурилмоқда. Объект Тўлеби туманида 13 гектар майдонни эгаллайди.
Сув омборида миллион куб метр ёмғир ва булоқ суви сақланади. Лойиҳанинг амалга оширилиши долзарб муаммога – Кемекалган қишлоқ округида суғориш суви етишмовчилигига ечим топади. Сув танқислиги шароитида кўплаб қишлоқ аҳолиси ҳатто боғларидан воз кечишга мажбур бўлган.
“Лойиҳа экспертизадан ўтказилди, миллион куб метр сув йиғиш белгиланган. Бундай шароитда қишда бу ерда ишлашнинг иложи йўқ. Фақат эрта баҳордан кузгача ишлаб бўлади. Биринчи йили 4-5 ой ишладик, 200 миллионли иш бажарилди. Энди қолган суммага 2024 йилда ишлар олиб борилади”, — дейди пудратчи Абдиқодир Таштаев.
Сув омборини қуриш учун бюджетдан бир миллиард 123 миллион тенге (тахминан 2 миллион 493 минг доллар) ажратишга қарор қилинган.
Сунъий сув омбори туфайли суғориладиган ерлар қаторига яна 360 гектар майдон қўшилади. Фермерлар суғориш учун қўшимча манбага эга бўлади, ҳосилдорлик ошади.
“Йилдан йилга иқлим ўзгариб туради, сув камая бошлайди. Бизда Қўшқар-ота канали бор, деҳқонлар суғориш учун у ердан сув олади”, — дейди Тўлабий тумани қишлоқ хўжалиги ва тадбиркорлик бўлими бошлиғи Асхат Раимбеков.
Янги сув омбори шунчаки муҳандислик иншооти эмас. Сув келиши билан қишлоқ аҳолиси яна картошка, пиёз, маккажўхори етиштиришни йўлга қўйиб, томорқа майдонини кўпайтириш ниятида.
Изоҳ (0)