Қирғизистонда май ойидан аҳоли учун электр энергияси нархи яна ошади. Бу ҳақда Кактус.медиа хабар берди.
Маълумотни Энергетика вазирлиги ҳузуридаги Ёнилғи-энергетика комплекси фаолиятини тартибга солиш бошқармаси тасдиқлаган. Аҳоли учун электр энергияси тарифлари вақтлироқ — май ойидан оширилади. Илгари нархни июль ойида ошириш режалаштирилган эди. Вазирликнинг таъкидлашича, тарифлар инфляцияни (10,8 фоиз) ҳисобга олган ҳолда 11 тийинга оширилади. Яъни, 1 майдан бошлаб аҳоли учун бир киловатт-соат 1,11 сом бўлади.
Эслатиб ўтамиз, 2023 йил май ойи бошидан Қирғизистонда аҳоли учун электр энергияси тарифи 23 тийинга оширилиб, 1 сомни ташкил қилган эди.
Изоҳ (0)