Сибирнинг қаҳратон қишида ишчилар кемаларга хизмат кўрсатиш учун нолдан паст ҳароратда меҳнат қилади. Россиянинг қуруқлик бўйича энг катта ҳудуди бўлган Якуцк маҳаллий аҳолиси “музлатиш”ни дунёдаги энг оғир ишлардан бири деб атайди. Бу ҳақда Reuters хабар берди.
Маҳаллий аҳоли тилида “Виморозка” деб аталувчи музлатиш жараёни оғир шароитларда, -50 даражагача совуқ ҳароратда бир неча ҳафта давом этадиган машаққатли ва зерикарли ишдир. Ишчилар кемаларни қоплаган музни синдириб, кеманинг таъмирга муҳтож бўлган жойларини қидиришади. Қиш ойларида кемалар Лена дарёси бўйидаги Якуцк бандаргоҳига тўхтайди.
Россиянинг қуруқлик бўйича энг катта ҳудуди бўлган Якуцк маҳаллий аҳолиси “музлатиш”ни дунёдаги энг оғир ишлардан бири деб атайди.
Тўғри кийинишингиз керак холос. Сиз (иссиқ бинога) бориб, кийимларингизни ечсангиз, саунадаги каби устингиздан буғ кўтарилади. Менимча, бу энг қийин иш эмас, бундан ҳам қийинроқ ишлар бор, лекин бу энг қийин ишлардан бири бўлса керак... Совуқни ҳамда совуқда ишлашни севиш керак, — дейди 48 ёшли ишчи Михаил Клус Reuters агентлигига.
Иш нафақат чидамлилик ва кучни, балки ўта аниқликни ҳам талаб қилади.
Гарчи айрим ишчилар совуқ ҳароратга чидай олмаса-да, об-ҳаво қанчалик совуқ бўлса, муз шунчалик яхши яхлайди ва иш шунчалик осонлашади.
Баъзида музлаб қолганингизда, салбий ҳис-туйғуларни бошдан кечиришингиз мумкин. Ишлаш учун жуда совуқ эканини ҳис қиласиз, уйга боришни, овқатланишни ва дам олишни хоҳлайсиз, шу сабабли сиз ўзингизни ушлаб туришингиз керак, — дейди қалин палто кийган 22 ёшли Артём Ковалец.
Изоҳ (0)