Озарбайжон Арманистон ҳукуматидан тўрт қишлоқ – Баганис Айрим, Ашаги Аскипара, Хейримли ва Гизилгаджили устидан назоратни зудлик билан қайтаришни талаб қилмоқда. Бу ҳақда Озарбайжон бош вазири ўринбосари Шаҳин Мустафоев маълум қилди, дея хабар беради Azertac.
“Арманистон томонидан босиб олинган тўртта эксклав бўлмаган Озарбайжон қишлоқларига келсак, уларнинг Озарбайжонга тегишлилиги шубҳасиздир ва улар зудлик билан озод қилиниши керак”, — деди у.
Бу қишлоқлар Озарбайжоннинг халқаро миқёсда тан олинган ҳудудида жойлашган. Арманлар уларни 90 йилларнинг бошларида жанглар пайтида эгаллаб олган.
Таъкидланишича, Озарбайжоннинг арманлар назоратидаги тўртта эксклав қишлоғи (Юхари Аскипара, Софулу, Бархударли ва Кярки) масаласи Арманистон-Озарбайжон чегарасини делимитация қилиш жараёни доирасида ҳал этилади.
Шунингдек, Мустафоев Озарбайжон ва Арманистонда тузилган давлат чегараларини делимитация қилиш комиссиялари 7 та йиғилиши ўтказганига ҳам тўхталиб ўтди. Ҳозирги босқичда комиссиялар фаолияти доирасида делимитация ишларини олиб бориш учун зарур бўлган норматив-ҳуқуқий базани яратиш бўйича ишлар кетмоқда.
Бундан ташқари, Боку Арманистон оммавий ахборот воситаларининг Озарбайжон томонидан 31 та арман қишлоғи босиб олингани ҳақидаги маълумотларини рад этди.
Изоҳ (0)