Ўсимлик касалликлари какао ҳосилини йўқ қилмоқда, сўнгги олти ой ичида унинг нархи уч баравар ошди. Бу эса шоколаднинг қимматлашишига сабаб бўлмоқда. Бу ҳақда манбаларга таяниб, Euronews хабар берди.
Какао нархининг ошиши шоколад нархига ҳам таъсир кўрсатмоқда. Ноқулай об-ҳаво шароити какао дуккакларининг касалланиш сабабларидан яна бири ҳисобланади. Жаҳон бозоридаги какао ҳажмининг ярмидан кўпи Гана ва Кот-д’Ивуар томонидан етказиб берилади.
Қайд этилишича, Европа Иттифоқи Кот-д’Ивуар ва Ганада етиштириладиган какао дуккакларининг энг йирик харидори ҳисобланади. Bloomberg ҳисоб-китобларига кўра, 2018 ва 2021 йиллар оралиғида ЕИ давлатлари Африка мамлакатидан йилига ўртача 3 миллиард долларлик какао харид қилган.
Февраль ойида какао дуккакларининг жаҳон нархи рекорд даражадаги 1т учун 6000 долларгача кўтарилган. Йил бошидан бери какао дуккаги бир ярим баробарга, 2022 йилдан бери эса 130 фоизга қимматлашган.
Изоҳ (0)