Америкалик миллиардер Илон Маск ChatGPT ишлаб чиқарувчиси OpenAI компанияси устидан судга мурожаат қилди. Бу ҳақда Courthouse News Service хабар берди.
Маскнинг сўзларига кўра, компания инсоният манфаати учун ишлаб чиқилиши кераклиги ҳақидаги шартни бузган. Жумладан, OpenAI ўз технологиясининг дастабки кодини (исходний код) очиқ қолдириши керак эди, бироқ Microsoft билан ҳамкорликдан сўнг компания уни яширган ва корпорациянинг “де-факто шўба корхонаси”га айланган.
OpenAI дунёдаги энг йирик технологик компания — Microsoft’нинг амалда де-факто шўба корхонасига айлантирилди. Унинг раҳбарлиги остида компания инсоният манфаати учун эмас, балки Microsoft фойдасини максимал даражада ошириш учун сунъий интеллектни такомиллаштирмоқда, — дейди Маск судда.
Милиардер даъвосида OpenAI президенти Грег Брокман ва бош директори Сэм Альтман айбланувчи сифатида кўрсатилган. Маск Microsoft компаниясининг сунъий интеллект технологиясидан фойда олишни тўхтатишни талаб қилиб, дастлабки кодни очиқ қолдиришни сўрамоқда.
Маскнинг сўзларига кўра, сунъий интеллектнинг инсоннинг когнитив даражасида автоном ишлашга мўлжалланган тури OpenAI’нинг асосий мақсади бўлган ва GPT-4 да намойиш этилган. GPT-4 2023 йилнинг март ойида чиқарилган, бироқ аввалгилардан фарқли ўлароқ, ёпиқ модель бўлиб қолмоқда – буни инсоният манфаатларидан кўра тижорат нуқтайи назаридан келиб чиққан ҳаракат, деб ҳисобдайди Маск.
“GPT-4’нинг ички тафсилотлари фақат OpenAI ва Microsoft’га маълум. Шунинг учун у очиқ сунъий интеллектга қарама-қаршидир ва тижорат сабабларга кўра ёпиқ: Microsoft GPT-4 ни оммага сотиш орқали бойлик орттирмоқчи, агар OpenAI талаб қилинганидек технологияни жамоатчиликка бепул тақдим этса, бунга эришиб бўлмайди.
Таъсис шартномасидан фарқли ўлароқ, судланувчилар GPT-4 дан инсоният манфаати учун эмас, балки дунёдаги энг йирик компаниянинг даромадларини максимал даражада ошириш учун хусусий технология сифатида фойдаланишни танлади, — дейди Маск даъво аризасида.
Унинг таъкидлашича, ҳозирги OpenAI кенгаши аъзолари технологияни қўллаб-қувватлайдиган ва тушунадиган олимлар ва тадқиқотчилар эмас.
OpenAI, Inc.нинг бир пайтлар пухта ишлаб чиқилган нотижорат тузилмаси ўрнига фақат фойда олишга қаратилган бош директор ва паст техник тажрибага эга бўлган кенгаш эгаллади. Энди кенгашда кузатувчи ўриндиғи фақат Microsoft учун ажратилган, — дейди миллиардер ўз даъвосида.
Изоҳ (0)