Қозоғистон гербини ўзгартириш таклиф қилинди 

Қозоғистонда “Жана Адамдар” ёшлар ҳаракати мамлакат аҳолисини янги герб ҳақида ўйлаб кўришга чақирди. Бу ҳақда Нур.кз хабар берди.

Ёшлар ҳаракатига кўра, бир тарих ва анъана билан яшаётган одамларни азалдан умумий рамзлар бирлаштириб келган. Қозоғистонликлар учун мамлакат герби ана шундай рамзга айланди.

“Герб компания логотипи ҳам, эсдалик нишони ҳам, эмблема ҳам эмас. Герб кўпроқ нарсани англатади. Бу тақдир. Бироқ ҳозирда биз қўллаётган герб келажакка йўналишни билдирмайди, қадриятларимиз ҳақида гапирмайди. Сўровда қатнашган қозоғистонликларнинг 70 фоизи уни танимаган.

Янги давр янги қийинчиликларни олиб келади. Қозоғистон улкан глобал режаларни белгиламоқда. “Жана Адамдар” бу режалар учун янги ёш давлатнинг амбицияларига мос келадиган рамз кераклигига ишонади. Герб, асосий саволга: ҳозирги дунёда ўз ўрнимизни қандай топишимиз мумкин, жавоб беради”, деб ҳисоблайди ёшлар ҳаракати.

Ҳаракат фаолларининг фикрича, Қозоғистон тақдирини давлат чегаралари белгилайди. Аҳолига нафақат омон қолиш, балки эркинлик, қадр-қимматни сақлаш ва дунёда ўз ўрнини эгаллаш имконини берадиган шарт-шароитларни янги герб бирлаштириши керак.

“Президент Тўқаев: “Ёрқин келажакка ишонмаган халқ кучли давлат қура олмайди” деганида бу шарт-шароитларни тўғри таърифлаганди. “Орзуларимиз ушаладими, режаларимиз амалга ошадими, фақат ўзимизга боғлиқ. Энг муҳими, мамлакатдаги тотувлик, тинчлик ва барқарорликни қадрлашимиз керак. Бирлик халқ руҳини юксалтиради. Бирлик онгда бўлиши керак”, — дея Қозоғистон президенти сўзларидан иқтибос келтирилади “Жана Адамдар”.

Қозоғистон республикасининг герби 1992 йил 4 июнда тасдиқланган. Шундан сўнг, у бир неча бор ўзгартирилган.