Ҳукумат сиёсатидан норози бўлган юзлаб фермерлар Франция президенти Эммануэл Макрон иштирокидаги Париждаги қишлоқ хўжалиги кўргазмаси павильонига бостириб кирди. Хавфсизлик ходимлари ва намойишчилар ўртасида жанжал келиб чиққан, полицияга тухум отилган. Бу ҳақда Liberation хабар берди.
Франциялик фермерлар ҳукуматдан ёрдам талаб қилиб, шиорлар айтиб, чиқиш қилган. Намойишчилар расмийларни нархларнинг ошиши, субсидиялар йўқлиги ва Украина импортининг арзонлиги учун танқид қилган. Айрим деҳқонлар бир кун аввал павильонга келиб, чодир ва тракторларда тунаган. Намойишчилар Макронни топишга ҳаракат қилган. Бироқ тез орада тўқнашувлар тўхтаган. Полиция намойишчиларни кўргазма мажмуасидан ташқарига чиқариб юборган.
Изоҳ (0)