Жорий йил январь ойида ўзбекистонлик футболчи Англиянинг “Брентфорд” клубига трансфер қилинган эди.
Муҳаммадали кеча, 23 февраль куни клубнинг У-21 жамоаси сафида дебют учрашувини ўтказди. “Рединг” У-21 жамоасига қарши кечган ўйинда “Брентфорд” 1:2 ҳисобида мағлубиятга учради.
Муҳаммадали Ўринбоев ўйинни асосий таркибда бошлади ва кичик жароҳат сабаб 59-дақиқада заҳирага олинди.
Ўйин давомида футболчимиз бурчак тўпи ва жарима зарбаларини амалга оширган.
Эслатиб ўтамиз, 18 ёшли Ўринбоев “Пахтакор” сафидан Англияга қишги трансферлар доирасида кўчиб ўтган эди. Клублар ўртасидаги келишувга мувофиқ, у 30 июнга қадар “Брентфорд”да ижарада асосида ўйнайди. Ушбу муддатдан кейин эса Англия клуби Муҳаммадалини сотиб олиш ҳуқуқига эга бўлади.
Изоҳ (0)