23 февраль куни Америка қўшинлари Яманда ҳусийларнинг кемаларга қарши еттита қанотли ракеталарини йўқ қилди. Улар Қизил денгиз томон парвозга шайланаётгани маълум бўлди. Бу ҳақда Коммерсант хабар берди.
АҚШ Қуролли кучлари баёнотига кўра, ракеталар минтақадаги тижорат ва Американинг ҳарбий-денгиз кучлари кемаларига бевосита таҳдид қилган. Вашингтон ҳукумат кемалари АҚШ денгиз флоти ва савдо кемалари учун хавфсиз ҳаракатни таъминлашини таъкидлаган.
Яман ҳусийлари томонидан тижорат кемалари ва ҳарбий кемаларни ўққа тутиш 2023 йил декабрь ойида Исроил ва Фаластиннинг ҲАМАС ҳаракати ўртасидаги уруш фонида кучайган. Январь ойидан бери Қўшма Штатлар Ямандаги объектларга бир неча бор зарба берган. Вашингтон буни ҳусийларнинг Қизил денгиздаги савдо кемалари ва ҳарбий кемаларга давомли ҳужумлари учун жавоб деб айтган. 21 февраль куни Америка Яманда ҳусийларнинг еттита ракетасига зарба берган эди.
Изоҳ (0)