ОКМК томонидан Самарқанд вилоятидаги Ингичка волфрам конининг 19,0 млн тоннадан зиёд техноген чиқиндиларни қайта ишлаш лойиҳасининг II босқичи амалга оширилмоқда.
II босқичда Ингичка кони техноген чиқиндилардан йилига 185 тонна волфрам концентрати ажратиб олиш имконияти мавжуд. Мазкур лойиҳани амалга ошириш ҳисобига ҳудудда қўшимча янги иш ўринлари яратилади. Эътиборлиси, 185 тонна волфрам концентрати ажратиб олиниб, ундан 43,2 тонна волфрам штабикларни ишлаб чиқариш ва 3,6 млн долларли янги турдаги маҳсулотларни экспорт қилиш йўлга қўйилади. Ҳозирги кунда мазкур лойиҳанинг ишчи лойиҳаси ишлаб чиқилмоқда.
Қурилиш ва таъмирлаш ишлари бўйича смета ҳужжатлари расмийлаштириляпти. 9 турдаги 43 дона янги технологик ускуналари харид қилинди.
“Ингичка Тажриба технология экспедиция”си ҳудудида мазкур ишчи лойиҳа доирасида реконструкция ишлари олиб борилмоқда.
II босқич ишга тушиши натижасида “Ингичка Тажриба технология экспедиция”си ҳудудида яна битта бойитиш фабрикаси ўз фаолиятини бошлайди.
Маълумот учун, 2022 йилда ушбу лойиҳанинг I босқичи амалга оширилиб, Ингичка бойитиш фабрикаси фаолияти йўлга қўйилган бўлиб, фабрика тўлиқ рақамлаштирилган. Ўша йили комбинат мутахассислари томонидан Республикада илк маротаба волфрам таркибли техноген чиқиндиларни қайта ишлаш технологияси саноат миқёсида йўлга қўйилди. Лойиҳа доирасида 82 та янги иш ўринлари яратилди ва комбинатнинг ўз маблағлари ҳисобидан 0,4 млн доллар инвестиция ўзлаштирилди.
Волфрам таркибли техноген чиқиндиларни қайта ишлаш технологиясини жорий этиш натижасида 2023 йилда 5,7 млрд сўмли 100 тонна (ўртача 28% WО3) волфрам концентрати олинди. Шунингдек, умумий қиймати 1,8 млн долларли қўшимча экспортбоп 27 тонна волфрам штабиклари тайёрланди. Маҳаллийлаштириш дастури доирасида волфрам таркибли 27,9 млрд сўмли 36 тонна қаттиқ қотишмали композит маҳсулотлари ишлаб чиқарилди.
Реклама ҳуқуқи асосида.
Изоҳ (0)