Тошкент вилояти Чиноз туманидаги божхона постида юк машинасига яширилган алкоголь маҳсулотлари фош бўлди. Бу ҳақда вилоят божхона бошқармаси хабар берди.
Қайд этилишича, қўшни давлатдан Ўзбекистонга ўтиш учун “Яллама” чегара божхона постига фуқаро бошқарувида кириб келган Renault Premium русумли юк автотранспорт воситаси холислар иштирокида божхона кўригидан ўтказилган. Кўрик давомида автотранспорт воситасида йўл юк кузатув ҳужжатларида кўрсатилмаган қиймати қайириб 150 миллион сўмлик бўлган 71 дона алкоголь маҳсулотлари борлиги аниқланган.
Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.
Жисмоний шахслар божхона чегараси орқали божхона тўловларисиз умумий миқдори 2 литрдан кўп бўлмаган алкоголь маҳсулоти, шу жумладан, пиво ҳам олиб киришлари мумкин.
- Аввалроқ Хоразмда 422 миллион сўмлик акциз маркасиз тамаки маҳсулотлари аниқлангани,
- Навоий ва Бухорода 600 млн сўмлик қалбаки акциз маркали алкоголь маҳсулотлари савдосининг олди олингани тўғрисида хабар берилганди.
Изоҳ (0)