Анқарада 35 ёшли эркак 7 ёшли ўғлини гаровга олган. У 2 ҳафта олдин ажрашган турмуш ўртоғига болани беришни хоҳламаган. Унинг руҳий муаммолари борлиги ва гиёҳвандликдан азият чекаётгани айтилган. Бу ҳақда Star хабар берди.
Нашрга кўра, эркак яшаган манзилга полиция махсус бўлинмаси, ўт ўчириш ва тез ёрдам бригадаси юборилган.
Ота махсус кучларнинг 12 соатлик уринишларига салбий муносабат билдирганидан сўнг, болани қутқариш бўйича операция ташкил этилган. Отишмада ота оёғидан яраланиб, қуролсизлантирилган ва касалхонага олиб кетилган. Унинг ўғлига психологик ёрдам кўрсатилаётгани айтилган.
Воқеа юзасидан суриштирув ишлари бошланган.
Изоҳ (0)