Аёл ва қизлар гардеробидаги энг қадрли буюм бу пойабзаллардир. Ноқулай бўлса ҳам қимматбаҳо оёқ кийимлар нозик жинс вакиллари кўзларини қувонтиради. Бугун дунёдаги энг қимматбаҳо туфлилар ҳақида маълумот берамиз.
Tanzanite Heels — 2 миллион доллар
Stuart Weitzman брендига тегишли ушбу оёқ кийим кумуш теридан ишланган ва 1960 йилларда Килиманжаро тоғида топилган олмос ва танзанитлардан иборат. Олд томондаги камарларга 28 карат олмос, тўпиқ томонига эса 200 карат танзанит билан безак берилган. Пошналари эса 595 каратли олмосларга тўла.
Cinderella Slippers — 2 миллион доллар
Ушбу туфли ҳам Stuart Weitzman брендига тегишли бўлиб, Золушка пойабзал и номини олган. Туфли 55 каратли 565 дона бриллиантлар билан безатилган.
Ruby Slippers — 3 миллион доллар
“Оз мамлакатига саёҳат” фантастик фильмидаги Дороти туфлисидан илҳомланган Рональд Уинстон қизил рубин тошларидан ажойиб туфли яратди. Туфли 4500 карат ҳақиқий рубин ва 50 каратли бриллиантлар билан қопланган.
Rita Hayworth Heels — 3 миллион доллар
Stuart Weitzman’га мансуб ушбу қимматбаҳо пойабзал бриллиант ва сапфир тошлари билан безалган. Унинг матоси камёб атласдан тикилган.
Diamond Stilletos — 15,1 миллион доллар
Винтаж услубидаги ушбу туфли дизайнер Дебби Уингемга мансуб. Туфли ноёб пушти ва мовий рангли бриллиантлар билан безатилган. Туфли юзаси олтин билан қопланган.
Passion Diamond Stilettos — 17 миллион доллар
Jada Dubai туфлисини ишлаб чиқишга салкам 9 ой вақт сарфланган. Туфлини 2 та 15 каратли бриллиант ва чеккаларида 118 дона майда қимматбаҳо тошлар безаб туради.
Moon Star Shoes — 19,9 миллион доллар
Дунёдаги энг қимматбаҳо пойабзал Antonio Vietri 24 каратли тоза тилладан ишланган. Олд қисмида 30 каратли йирик бриллиантлар бўлиб, туфли 1576 йилга тегишли метеоритдан ясалган!
Изоҳ (0)