19 февраль куни Россиянинг БМТдаги вакили АҚШни Ғазода ўт очишни тўхтатиш тўғрисидаги резолюцияга қарши чиққанликда айблаб, очиқчасига танқид қилди. Бу ҳақда Anadolu агентлиги Ғарб манбаларига асосланиб, хабар берди.
Журналистларга берган интервьюсида Россия вакили Василий Небензя “фақат бир делегация” Ғазода қарийб беш ойдан бери давом этаётган урушни тўхтатишга қарши чиқаётганлигини урғулаган.
Небензя ,шунингдек, Россия 16 октябрь куни сулҳ бўйича резолюция таклиф қилганини, агар сулҳ қабул қилинганида кўплаб тинч аҳолининг ҳаёти сақлаб қолинган бўлиши мумкинлигини айтган.
Россия вакили ушбу баёнотни Жазоир томонидан БМТ Хавфсизлик Кенгашига Исроил ва ҲАМАС ўртасида зудлик билан “гуманитар сулҳ”га чақирувчи резолюция тақдим этилганидан сўнг маълум қилган.
Изоҳ (0)