Иқтисодиёт ва молия вазирлиги Тошкент шаҳридаги Food City ва “Чорсу” бозорларини ўрганиб, 25 турдаги қишлоқ хўжалиги маҳсулотларининг 5 февралдаги улгуржи нархларини эълон қилди.
Ўрганишларга кўра, “Чорсу”да мол ва қўй гўштларининг улгуржи нархи ўтган йилдан бери ўзгармаган. Жумладан, мол гўштининг килоси 60 000-70 000 сўм, қўй гўшти 65 000–70 000 сўмдан сотилмоқда.
Food City’да картошканинг бир килоси максимум 4 800 сўм (ўтган ҳафта 4 600 сўм бўлган), пиёз 900–2 400, сабзи 1 100–4 000 сўмдан сотилмоқда.
Мазкур бозорда Лазер гуручини 16 000–24 000 сўм оралиғида, нўхат 6 000–33 000 сўмдан, қизил ловия 15 000–18 000 сўм, мошни 11 800–15 000 сўмдан харид қилиш мумкин.
Булғор қалампирининг максимум нархи ўтган душанбадагидан 7 000 сўмга қимматлашиб, 42 000 сўмдан сотилмоқда. Помидорнинг энг юқори нархи эса 30 000 сўм бўлган.
Бодринг маҳсулотининг максимум нархи бир ҳафта давомида 5 000 сўмга қимматлашиб, 40 000 сўмга чиқди.
Мевалардан банан нархи ўтган душанбадаги 22 000 сўмдан (максимум) сотилмоқда. Анор нархи ўтган ҳафтадагидан 5 000 сўмга ошди ва килосини максимум 45 000 сўмдан харид қилиш мумкин. Бир ҳафта давомида узум мевасининг энг юқори нархи 65 000 сўмдан 75 000 сўмга ошди.
Изоҳ (0)