Қирғизистон, Қозоғистон ва Тожикистонда Коллектив хавфсизлик шартномаси ташкилоти (КХШТ) машғулотлари бўлиб ўтади. Бу ҳақда ташкилотнинг бирлашган штаби бошлиғи Андрей Сердюковга таяниб, “Интерфакс” хабар берди.
Марказий Осиёдаги учта республикада олтита тадбир ўтказилиши режалаштирилган.
Қирғизистон ҳудудида КХШТнинг оператив жавоб бериш коллектив кучлари билан “Ўзаро ҳамкорлик-2024”, разведка кучлари ва воситалари билан “Қидирув-2024”, моддий-техник таъминлаш воситалари ва қўшинлар билан “Эшелон-2024” махсус машқлари ўтказилади, — дейди Сердюков.
Унга кўра, Тожикистонда Марказий Осиё минтақасида коллектив кучлар қўмондонлиги билан “Рубеж-2024” қўшма машғулотлари режалаштирилган. Қозоғистонда эса “Бузилмас биродарлик-2024” қўмондонлик-штаб ўқув машғулотлари бўлиб ўтади.
Машғулотларнинг фаол босқичларида КХШТга аъзо бўлмаган бошқа давлатлар, шунингдек, халқаро ташкилотлар вакиллари кузатувчи сифатида иштирок этиши кутилмоқда.
Изоҳ (0)