Тошкентнинг икки туманида “свет” вақтинча ўчирилади

Тошкент шаҳрининг икки тумани: Миробод ва Олмазорнинг айрим ҳудудларида электр энергияси таъминоти вақтинча тўхтатилиши маълум қилинди. 

Хабар берилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш ҳамда мавжуд электр қурилмаларида таъмирлаш ишларини олиб бориш мақсадида эртага, 13 февраль куни қуйидаги манзилларда электр таъминоти вақтинча ўчирилади:

• Миробод тумани: “Мовароуннаҳр” ва “Фурқат” МФЙларнинг айрим ҳудудларида соат 09:00 дан 17:00 гача;
• Олмазор тумани: “Абу бакр Шоший” МФЙнинг айрим ҳудудларида соат 09:00 дан 17:00 гача.

Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги айтилган. “Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўради.