Республиканинг барча аҳоли яшаш пунктлари тўлиқ хатловдан ўтказилган ва ундан 10 мингдан ортиқ аҳоли яшаш пунктидан 1 113 таси жамоат транспорти билан қамраб олинмагани аниқланган. Бу ҳақда Транспорт вазирининг биринчи ўринбосари Маманбий Омаров ЎзАга берган интервьюсида айтиб ўтган.
Маълум қилинишича, шулардан 1 081 тасига эса транспортлар қатнови қўйилган. Қолган 32 та аҳоли пунктига олиб борувчи йўл қамраб олинмаганига сабаи – йўл сифати ҳаракатланиш хавфсизлиги талабларига жавоб бермайди.
“Яна бир жиҳат – мавжуд йўналишларда ҳаракатланаётган аксарият транспорт воситаларининг сиғими, қулайлиги ва хавфсизлиги талабларга жавоб бермайди. Масалан, бугунги кунда республика бўйича “Damas”нинг улуши 72 фоизни ташкил этади.
Мавжуд йўналишлардаги транспорт воситаларининг янгиланиши (10 йилдан ортиқ), сиғимини ошириш (“Damas”ни автобус ва микроавтобуслар билан алмаштириш), фаолият юритмаётган йўналишларни қамраб олиш учун қўшимча 4 200 дан ортиқ автобус, 5 500 дан ортиқ микроавтобусга эҳтиёж мавжудлиги аниқланди. Бугунги кунда аҳоли талабларидан келиб чиққан ҳолда ҳар бир ҳудуд кесимида мавжуд йўналишлар қайта кўриб чиқилиб, янги йўналишлар тармоқлари ишлаб чиқилди”, – дейди транспорт вазирининг биринчи ўринбосари.
Таъкидланишича, 2024 йилдаги энг асосий вазифа – ҳудудлар жамоат транспорти учун 2 минг дона автобус ва 2 минг дона микроавтобус харид қилишни таъминлаш.
Изоҳ (0)