Ўзбекистон терма жамоаси ҳужумчиси Элдор Шомуродов қишки трансферлар ойнасида жамоасини ўзгартириши мумкин эди.
Инсайдер Николо Скиранинг маълум қилишича, “Салернитана” клуби 31 январдан 1 февраль кунгача Шомуродовнинг ижараси бўйича “Рома” билан музокаралар олиб борган ва келишувга эришган. Аммо “Кальяри” сўнгги паллада Элдорни мавсум якунига қадар ўз таркибида олиб қолишга қарор қилган.
Натижада, Шомуродовнинг “Салернитана”га ўтиши амалга ошмай қолган.
Эслатиб ўтамиз, Элдор Сардиния клубида 30 июнга қадар ижара асосида ўйнайди. Унинг трансфер ҳуқуқи “Рома”га тегишли ва ўзбекистонлик футболчини Рим клуби билан шартномаси 2026 йилгача мўлжалланган.
Изоҳ (0)