Самарқанд вилояти Қўшрабод туманида Ички ишлар органлари ходими шаънига путур етказувчи ҳаракатлар содир қилган ходим тизимдан бўшатилди.
Ижтимоий тармоқларда ички ишлар формасидаги маст эркак видеоси тарқалиб, кенг муҳокамаларга сабаб бўлганди.
Вилоят ИИБ матбуот котибининг билдиришича, Қўшрабод тумани ИИБ профилактика инспектори лавозимида хизмат қилган (ИИОга хизматга 2023 йил 20 ноябрда қабул қилинган) катта сержант З.С. хизмат кийимида спиртли ичимлик истеъмол қилгани ҳамда ички ишлар органлари ходими шаънига путур етказувчи ҳаракатлари учун ички ишлар органлари ходимлари сафидан бўшатилди.
Ҳозирда ушбу ҳолатни келиб чиқишига йўл қўйган раҳбар ходимларга нисбатан хизмат текшируви тайинланган.
Изоҳ (0)