Фильм суратга олиш жуда мураккаб жараён ва ҳар бир ҳолатни диққат билан кузатиб бориш ҳар доим ҳам имконсиз.
“Кавказ асираси ёки Шурикнинг янги саргузаштлари”
Фильм давомида Шурикнинг сочи аввалига малла, кейин бирдан сарғиш бўлиб қолади ва бир сония ҳам ўтмай, яна малла рангга киради.
Таъқиб қилиш саҳнасини эслайсизми? Вициннинг қаҳрамони уларни қуваётганларга катта сариқ бодринг отади, лекин негадир Шурикнинг оғзида яшили пайдо бўлади. Агар диққат билан қарасангиз, бодрингнинг пастки қисмида ипи ҳам бор.
“Балзаминовнинг уйланиши”
Фильм бош қаҳрамони Балзаминовнинг кўйлаги бир саҳнада кутилмаганда рангини ўзгартиради.
Қаҳрамон Надежда Румянцеванинг бантиги ҳам худди шу эпизод давомида шаклини бир неча бор ўзгартиради.
“Энг жозибали ва латофатли қиз”
Надя анкета тўлдираётганида, унинг олдида фақат сариқ ва яшил варақ борлигини кўриш мумкин. Аммо кадр ўзгариши биланоқ, қаҳрамон оқ қоғоз ушлаб турган бўлади.
“Қизлар”
Илья овқатланаётган саҳнда нон ва компот унинг ликопчага яқин турибди, лекин бир лаҳзадан кейин улар сирли тарзда бир-биридан узоқлашади.
Тося жуда оч қолганидан катта нон бўлагини емоқчи бўлгандир, эҳтимол. Аммо бир неча сония ичида қўлидаги нон учдан иккига камаяди.
“Москва кўз ёшларга ишонмайди”
Аввалига бош қаҳрамон ёнидаги сумкада шарфнинг бир қисми кўриниб туради. Кейинги кадрда Гоша, кейин яна Катерина кўринади. Фақат унинг ёнидаги сумка аллақачон ёпиқ. Кейин қаҳрамонлар ўртасидаги суҳбат бошланади ва мўъжизавий тарзда шарф яна сумкада пайдо бўлади, гарчи Катя қимирламаган бўлса ҳам.
Люда пардозини якунлаётганда, қулоқларидаги кўк сирға бўлади. Кейин эса у бирданига оқ қисқичли зиракка алмашганини пайқаш мумкин.
“Одам-амфибия”
Фильмда Гутиера ўзини сувга ташлаб, ҳушини йўқотган эпизод бор. Аввалига қизнинг орқа томон йиқилганини кўриш мумкин, лекин кадр ўзгарганда у аллақачон қумли тубида ва негадир ёнламасига ётади. Ихтиандр қутқаришга келганда қаҳрамон яна чалқанча ва сув ўтлари орасида ётган бўлади.
“Яна ўша Мюнхаузен”
Барон ўзининг “Ойга учиш” ҳийласини намойиш қилиши керак бўлган сўнгги эпизодда Якобина Мюнхаузен кўзойнаксиз бўлади. Аммо кейинги кадрда кўзойнаги тўсатдан пешонасида пайдо бўлади.
Изоҳ (0)