Испания футбол федерацияси “Барселона” туфайли мамлакат Суперкубогидан келадиган даромаднинг бир қисмидан айрилиши мумкин

Испания қироллик футбол федерацияси (RFEF) Испания Суперкубогидан келадиган даромаднинг бир қисмидан айрилиши мумкин.

IU Sport нашрининг El Confidencial ва El Mundo нашрларига таяниб хабар беришича, Испания Суперкубогини Саудия Арабистонида 2029 йилгача ўтказиш бўйича шартномада “Реал” ва “Барселона” мусобақага чиқа олмаган тақдирда жазо чоралари назарда тутилган.

Ҳар бир турнир учун Испания қироллик футбол федерацияси (RFEF) 40 миллион евро олади. Бироқ, икки гигантдан бири иштирок этмаса, бу нарх 5 миллион еврога камаяди. 

“Барселона” клуби Испания Кубогининг чорак финалида “Атлетик”ка мағлуб бўлиб (2:4), мусобақани тарк этди. Кубок мусобақасидан чиқиб кетган каталониялик Ла Лигада 1 ёки 2-ўринни олсагина кейинги мавсумда бўлиб ўтадиган Испания Суперкубогида иштирок этиш ҳуқуқини қўлга киритади.

Ҳозирда Хави жамоаси Испания чемпионатида 3-ўринда бормоқда. Турнир жадвали қуйидагича кўриниш олган:

2019/20 йилги мавсумдан бошлаб, турнир “тўртлик финали” кўринишида давом этмоқда. Унда Примеранинг чемпиони ва вице-чемпиони, шунингдек, Испания Кубогининг иккала финалчиси иштирок этади. Агар жамоалардан бири мавсум якунига кўра зарур бўлган ўринлардан кўпроғини эгаллаган бўлса, чемпионатда 3-ўринни эгаллаган жамоа таклиф қилинади.  

Эслатиб ўтамиз, жорий мавсумдаги Испания Суперкубоги финалида (14 январь) “Реал” “Барселона” устидан 4:1 ҳисобида ғалаба қозонганди.