Ўзбекистонда 2023 йилда ташкилий тартибда хорижий давлатга ишга жойлаштирилган фуқаролар сони 62 фоизга ошди. Ташқи меҳнат миграцияси агентлиги ахборот хизмати раҳбари Ортиқхўжа Норов соҳада 2023 йилда амалга оширилган ишлар ҳақида маълумот берди.
Унга кўра, ўтган йил давомида дунёнинг иқтисодиёти ривожланган давлатларидан Ўзбекистондан ишчи кучини жалб қилиш бўйича иш берувчи ва рекрутинг агентликлари билан 118 та шартнома имзоланишига эришилди. Мазкур иш берувчи ва рекрутинг агентликларининг 100 мингдан ортиқ бўш иш ўрни аниқланиб, 60 мингдан ортиқ бўш иш ўрнига талабнома олинди.
Илк бор 2 мингга яқин фуқаро Буюк Британияга, 500 га яқин фуқаро Германияга юборилди. Жанубий Кореяга юборилган фуқаролар сони 1,5 бараварга кўпайиб, 4900 нафарга етказилди.
Бугунги кунда Германия, Чехия, Венгрия, Япония, Россия, Латвия, Литва, Болгария, Польша каби давлатларда тиббиёт, ҳайдовчилик, қурилиш, ишлаб чиқариш ва хизмат кўрсатишнинг турли соҳаларида бўш иш ўринлари таклиф қилинмоқда.
Изоҳ (0)