Telegram мессенжеридаги каналларда Тошкент шаҳрининг Сергели туманидаги дўконларда ёнғин содир бўлгани хабар берилиб, унинг оқибати кўринган тасвирлар ҳам пайдо бўлди. “Дарё” журналисти воқеа жойига бориб, ҳолатга аниқлик киритганида ёнғин сабаб 5 та дўкон ёнгани маълум бўлди.
15 январь куни соат 14:56 да Тошкент шаҳар Фавқулодда вазиятлар бошқармасига Янгиҳаёт туманининг Қанора кўчасида жойлашган, енгил конструкциядан қурилган дўконларда ёнғин чиққани тўғрисида хабар келиб тушди. Хабарга асосан 4 та ёнғин қутқарув экипажи соат 15:01 да воқеа жойига етиб бориб, соат 15:05 да ёнғин тўлиқ ўраб олинди. Соат 15:12 да ёнғин батамом ўчирилди. Ёнғин натижасида тан жароҳати олган ва вафот этган фуқаролар йўқ, — дейди бу ҳақда “Дарё”га маълумот берган Тошкент шаҳар Фавқулодда вазиятлар бошқармаси ахборот хизмати раҳбари, капитан Зуҳриддин Қурбонов.
Масъулнинг билдиришича, айни вақтда ёнғиннинг келиб чиқиш сабаби ва зарар миқдори ўрганилмоқда.
Аниқланишича, ёнғин сабаб ҳудуддаги 5 та дўкон — қурилиш ва хўжалик моллари дўконлари, велосипед таъмирловчи устахона ҳамда тез пишар таомлар тайёрловчи ошхонага зарар етган.
-tlxVRXxD.jpg)
Учта дўкони ёнганини айтаётган тадбиркор Насриддин Нурматов ёнғин сабаб тахминан 500 миллион сўм миқдорида зарар кўрганини билдирди.
Тўртинчи “магазин”дан чиқиб, юқоридан кўтарилиб борган. Зўрға ҳужжатларни чиқариб қолдик, дейишди. Олов жуда тез келган. Ҳеч нарсани сезмай қолишган. Ёнғин чиққани айтилаётган дўкон бўш эди. Ичида ҳеч нарса йўқ эди. Тахминан учала дўконимда 500 миллион сўмлик товарлар бор эди, — дейди у.
Изоҳ (0)